Ando mashkar kadale negociacijengo si le minoritatenge chachimata, thaj o internacionalno komuniteto insistil ke sode but shaj aresen le minoritetura ke pege chachimata kade shaj te phenel pes kana o Kosovo kam lel peski independenca vaj na, ale le minoritetura anda Kosovo chi sas akharde te participin direktno ande le negocijacije. Le na-serbikane minoriteton, maj but, na-j len o shajpe te keren penge glosura thaj brige shunde.
www.romnet.hu
Le Roma mangle jekh direktno participacija ande le diskusije katar Viena. Von sa kade mangle te del pes lenge sa kodo barabaripe sar vi le avere manushen anda Kosovo bi te dikhel pes savo kam avel o avutnipe pala la Kosovako statuso.
www.romnet.hu
So sas maj anglal
www.romnet.hu
Ando 24to Oktobro 2005, le Sekuritateako Konsilo katar UN andas e konkluzija ke te putren pes le diskusije pala o avutno politichno statuso le Kosovako. Martti Ahtisaari, jekh Finicko diplomato thaj le negocijako sherutno anda e mirako hakijaripe le Jugoslavijasa ando 1999to bersh, sas akhardo te avel o sherutno katar o internacionalno negocijaciako timo ande Viena.
www.romnet.hu
Pala maj but serie katar bilateralno diskusije, le anglunoe direktno diskusije inkerde pes ando Februaro 2006. Pala le planura katar le internacionalno negocijatorura, kam del pes duma maj anglal pala le tehnichno bukija katar o kade-anavdo independento-statuso, thaj kodo kam avel anglal te putrel pes o debato pala le Kosovako politichno statuso. Jekh diskusija pala le minoritatenge chachimata si ko plano te putrel pes ande dujto epash kadale bersheski.
www.romnet.hu
Kana le membrura anda le Serbongo komuniteto participin direktno ande le negocijacije sar membrura le Serbonge, le na-Serbikane minoritetura chi participin direktno ande le diskusije. Ando 9to Novembro 2005, o timo anda Pristina las e decizija ke te vazdel pes jekh Konsultativno Komiteto anda Minortitetura sar jekh forumo anda participacija katar le na-albansko komunitetura ande le statusoske diskusije.
www.romnet.hu
Kadale Komitetoski buki si te del sfato pala le minoritatenge puchimata kana si le statusoski diskucija. O Komiteto si sherutno katar o Veton Surroi, jekh Albanco thaj membro katar e ORA partija. Le reprezentativi katar le Roma, Ashkali thaj Egiptijanonge komunitetura anda Kosovo participisarde ke kadala kidimata.
www.romnet.hu
Le Kosovake Roma
www.romnet.hu
Pala sar si ando palutno census/puchipe anda 1991to bersh, ando Kosovo trajn 1,607,690 manusha thaj 82.2 procentura si Albancura, 9.9 procentura si Serbura, 2.9 procentura si Muslimura thaj 2.2 procentura si Roma. Kado census si kerdo pala le rezultatura save sas inke jekh var dikhle pe baza katar le rezultatura katar le purane censusura - o oficialno census sas boikotime katar le riga le manushenge, thaj maj but katar le Albancura -, jekh purano census anda 1981to bersh si univar konsiderime o maj lasho indikitori katar e chachi kompozicija le populacijaki. Pala kado census, ando Kosovo trajn 1,585,000 manusha, anda save 1,226,736 si Albancura (77 procentura) thaj 214,555 Serbura (13 procentura), 58,662 Bosniakura, 12,513 Turkura thaj 34,126 Roma
www.romnet.hu
Le Roma phende ke si maj but Roma ando Kosovo de sar von phende. Pala sar phenel o Roma National Congress, angla maripe trajnas ando Kosovo karing 200,000 Roma: o Rajko Djuric phenel ke ando Kosovo trajnas 260,000 Roma ando Kosovo angla 1999.
www.romnet.hu
Pala sar si ando ushalin/senka raporto ramome katar le NGO kana dikhlas pes sar implementil pes e Konvencija Kadro anda e Protekcija katar le Nacionalno Minoritetura ando Kosovo, duj trina andar le Kosovake Roma vaj 100,000 manusha sas shudine anda than sar jekh rezultato le marimasko anda Kosovo, thaj anda lende 40-50,000 nashle ande le thema save si pashe, thaj o resto nashle ande aver regionura ande le Vest Europake thema.
www.romnet.hu
Pala sar phenen le manusha save kerde kado raporto, akana trajn ando Kosovo karing 35,000 Roma. O UNMIK phenel ke si 39,000 manusha, pashe vi le Ashkalie thaj le Kosovsko Egipteanura. O Rajko Djuric phenel ke ando Kosovo achile ages samo 29,656 Roma.
www.romnet.hu
O UNMIK raporto pala e implementacija katar e Konvencija Kadro anda e Protekcija katar le Nacionalno Minoritetura ando Kosovo ramol pe jekh lista efta anda 30 municipalitetura ando Kosovo kaj chi jekh vaj but cira Roma telearde pala maripe thaj inke aver kaj e deshto rig anda Romani populacija ashili.
www.romnet.hu
Kade ke e maj but anda e Kosovsko Roma trajn anvrijal anda Kosovo ande Diaspora kade ke si jekh bari provokacija anda lengi inkluzija thaj anda lengi demokratichno participacija ande le negocijacijako statusosko proceso. Ando Kosovo si jekh politichno partija, e "Partija e Re E Bashkuar e Romve e Kosoves" (PREBK) vaj " e Nevi Khetani Partija e Romengi anda Kosovo" savi las jekh anda le shtar thana rezervime anda e Roma, Ashkalije thaj Kosovsko Egipteanura ando Kosovsko Parlamento. Kadi partija si lan maj but jekh regionalno baza ando Prizren.
www.romnet.hu
E situacija si maj dur komplikime soske si e etnichno divizija ande Roma, Ashkalije thaj Kosovsko Egipteanura savi sas zurales akcentujme katar o konflikto anda Kosovo. O komuniteto le Ashkalijengo si reprezentime ando Kosovsko Asamblo katar pengo reprezentanto, thaj e Egipteanongo komuniteto las duj thana.
www.romnet.hu
Le Kosovake Roma thaj o Proceso pala e Statusoski negocijacija
www.romnet.hu
Ando Majo, 2005to bersh, o Forumo le Romengo thaj le Ashkalijengo bishaldas jekh peticija ke le sherutne katar o internacionalno komuniteto ande savi mangenas e inkluzija le Romengi, Ashkalijengi thaj Egipteanongi ande le statusoske diskusije. Kadi peticija sas suportime katar maj but sar 70 organizacije thaj mashkar lende sas vi le maj bare Romane internacionalno organizacije thaj maj but sar 700 manusha, mashkar lende but liderura katar le nacionalno organizacije.
www.romnet.hu
De anda Majo 2005to bersh, maj but zumavimata kerde pes kash te kiden kehtane pasha jekh khetani platforma, le Romane reprezentanton katar le but riga le diskusijake pa Kosovo.
www.romnet.hu
Ando Oktobro, kana sa jekh ODIHR kidipe ande Varshava, le Kosovake Roma thaj le Roma anda le pashe thema ashile khetane pe jekh Khetani platforma ande savi sas 21 mangimata pala le statusosko hakijaripe. Von dine o mandato ko ERTF " kash te khuven ande le negocijacije le reprezentativenca katar o interncionalno komuniteto thaj le reprezentativi katar le lokalno thaj nacionalno governura save sas hamime, thaj maj but e Proviziuonalno Institucija katar o Self-Government thaj o Governo katar e Serbija thaj Montenegro thaj o Serbijako Governo kash te roden shajmata anda jekh kasavo proceso [e inkluzija le Romengi, Ashkalijengi thaj Kosovake Egiptijanongi ande le statusosko procesi]".
www.romnet.hu
Ando Januar 2006, inkerdas pes jekh kidipe ande Pristina pala " O finalno Statuso e Kosovako thaj e pozicija le Romengi thaj le Ashkalijengi" tela le ospicije katar ODIHR. Ko agor kadale kidimasko, le participantura kerde jekh lil rekomendacijenca kash te "arakhen pes le chachimata thaj le interesura le Romenge thaj le Ashkalijenge ando Kosovo". Von mangle pherdi participacija ande le negocijacije pala o avutno politichno statuso le Kosovako thaj barabar chachimata thaj participacija.
www.romnet.hu
Ando Marto 2006, jekh kidipe ande Skopje andas khetane le maj importanto reprezentative le Romenge anda Kosovo thaj vi le reprezentative kotar ERTF thaj CPRSI. Le participantura katar kado kidipe akhardas ka o ERTF te participil ande le statusoske negocijacije.
www.romnet.hu
Kana sas jekh shunipe ko Europako Parlamento, ando 7to Marto, pala o puchipe le inkluzijako le minoritatengi ande le statusosko proceso, o Rudko Kawczynski, Prezidento katar o Europako Forumo e Romengo thaj e Phirutnengo, prezentisardas jekh seria mangimatengi pala e stabilizacija ando Kosovo thaj, pa kadi baza, manglas direktno participacija le Romengi ande le statusoske diskusije.
www.romnet.hu
Koteh si jekh buhlo hakijaripe pala le maj importanto bukija thaj brige, thaj maj but pala o centralno mangipe ke te aven akceptujme ande le statusoske diskusije. Varesave anda kadala bukija kam aven ramome ande jekh harni forma maj tele.
www.romnet.hu
O statuso le Romengo ande Kosova
www.romnet.hu
O Konstitucionalno Kadro anda o Provizionalno Korkoro-Governo ande Kosova savo sas potpisime katar o Specialno Reprezentativo katar o UN Generalno Sekretaro, Hans Haekkerup, ando 15to Majo 2001to bersh, feril pes katar svako referinca ke jekh minoritetengo thaj majoritetengo komuniteti. Ando than, o dokumento svako data sikavel le terminusura manusha thaj komuiteto.
www.romnet.hu
O kapitolo 4, anavdo "Le Chachimata le Komunitatenge thaj lenge Membronge", phenel ande peske Generalno Provizije:
www.romnet.hu
"4.1 Le komunitetura thaj le manusha save beshen kothe thaj save si sa ande kodi ethnichno vaj religiosno vaj lingvistiko grupa (Komunitetura) si len o pravo te dzan maj dur kadale kapitolosa kash inkeren, arakhen thaj te sikaven penge etnichno, kulturalno, religiosno thaj lingvistichno identitetura.
www.romnet.hu
4.2 Ni jekh manush te na avel obligime te phenel anda savo Komuniteto si, vaj te phenel peske membro ande varesosko Komuniteto. Kana jekh manush le peske o pravo te vaj na te phenel ke si membro ande varesavo Komuniteto, vov chi trebul te avel bihasnako (te na kerel leske chi sosko nasulipe)."
www.romnet.hu
Tela "Le Komunitatenge thaj Lenge Membronge Chachimata", o Konstitucionalno Kadro phenel:
www.romnet.hu
"4.4 Le komunitetura thaj lenge membrura si len o pravo te:
www.romnet.hu
a) potrebin penge chiba thaj alfabetura slobodno, vi angla krisa, agencije, thaj vae rpublichno institucije ando Kosovo;
www.romnet.hu
b) te aven edukime and pengi chib;
www.romnet.hu
c) te avel len akceso ke informacija ande pengi chib;
www.romnet.hu
d) te avel len barabar shajmata ando akceso ke buki ande le publichno institucije ke sa le nivelura, thaj ando akceso ke le publichno servisura ke sa le nivelura;
www.romnet.hu
e) te avel len kontaktura mashkar pende thaj le membronca lenge komunitateasa ando Kosovo vaj avreal;
f) te potrebin thaj te sikaven le Komunitateake simbolura, pala sar phenel o zakono;
www.romnet.hu
g) te vazden asosiacije kash te vazden le interesura katar lengo Komuniteto;
www.romnet.hu
h) te avel len kontaktura thaj te participin ande le lokalno, regionalno thaj internacionalno non-vladake organizacije pala sar phenen le procedure kodole organizacijenge;
www.romnet.hu
i) te del pes informacija ande chib thaj o alfabeto lenge Komunitateako, thaj vi te vazden thaj te inkeren pengi media;
www.romnet.hu
j) te avel len edukacija thaj edukacionalno institucije, thaj maj but shkole, ande pengi chib thaj alfabeto thaj pengi Komunitateaki kultura thaj historija, anda savi te del pes financijalno dzutipe, vi katar e publichno fondura pala sar phenel o zakono; e kurikula si te respektil o zakono thaj te sikavel jekh spirito tolerancijako mashkar le Komunitetura thaj o respekto anda le manushenge chachimata thaj le kulturalno tradicije katar sa le Komunitetura;
www.romnet.hu
k) te vazdel pes o respekto anda le Komunitateake tradicije;
www.romnet.hu
l) te inkeren pes thana saven si religiosno, historichno vaj kulturalno importanca anda Komuniteto, ande kooperacija le publichno autoritatenca;
www.romnet.hu
m) te avel len akceso ke le sastimaske thaj publichno servisura, pe jekh non-diskriminatorichno baza, kade sar phenen le standardura;
www.romnet.hu
n) te avel len religiosno institucije;
www.romnet.hu
o) te garantil pes lenge o akceso ke, thaj reprezentacija ande, publichno medija, thaj vi programura ande le relevanto chiba; thaj
www.romnet.hu
p) te financin penge aktivitetura rodindos voluntarno kontribucije katar lenge membrura vaj katar le organizacije avral anda Kosovo, vaj te del pes lenge kasave fondura katar o Provizionalno Institucije katar o Korkoro-Governo vaj katar le lokalno publichno autoritetura, kade but sode kasavo financijalno dzutipe kerel pes andejekh transparento felo."
www.romnet.hu
O Provizionalno Konstitucionalno Kadro stipulil maj dur ke 20 anda le 120 thana ando Kosovako Parlamento si te aven rezervime anda le reprezentativi katar le Non-Albansko komunitetura anda save shtar anda Roma, Ashkalije thaj Egipteanura, ale ni kerel pes chi soski distinkcija mashkar le verver masnusha anda Kosovo saven si len pherdo barabaripe ande sa le aspektura.
www.romnet.hu
Pala o Bosnijako precedento kaj le Roma thaj vi le aver komunitetura chi sas prindzarde sar konstituento manusha tela e Bosnijaki Konstitucija savi sas adoptime pala so potpisisalo o Dayton Mirako Hakijripe savo rezultisardas ande jekh ekskluzija anda le politichno ofisura thaj maj cira chachimata kana del pes duma pala o inkerimos thaj o buhlearimos lenge kulturako thaj lengo etnichno identiteto, - jekh puchipe savo chi pushlas pes kana kerdas pes na dumult e revizija katar e BiH Konstitucija - , le Kosovake Roma mangle te avel len pherdo barabaripe le avere komunitatenca ando Kosovo thaj vi politichno participacija ke sa le nivelura thaj o pravo te inkeren pengi kultura thaj chib.
www.romnet.hu
Das pes e sugestija, ke o Ohrid Kadro Hakijaripe shaj te del jekh rezultato anda e definicija katar le verver Kosovake manusha. Sa kade sar e Kosovaki Provizionalno Konstitucija, o hakijaripe chi kerel chi jekh dinstikcija mashkar o majoriteto thaj o minoriteto thaj phenel feri "komunitetura". Pala so potpisisalo kado hakijaripe, le Roma, save sas maj anglal prindzarde sar manusha le Macedonijake, das pes lenge o statuso sar konstituento manusha le Macedonijake pala e inke jekh var dikhli Konstitucija anda 2001.
www.romnet.hu
E situacija ande Kosovska Mitrovica
www.romnet.hu
E situacija ande Kosovska Mitrovica si jekh bari briga e Romenge anda Kosovo soske: vazdas pe sine jekh var e Romani mahala ando Sudo le Mitrovicako thaj e situacija le Romane nashade manushengi ande le IDP kampura ando Nord Mitrovica.
www.romnet.hu
E Romani Mahala ande Kosovska Mitrovica, ande savi trajn 8,000 - 10,000 manusha, sas o maj baro Roma beshipe ande purani Jugoslavija. Pala sar phene le manusha save beshle kothe, e Romani Mahala sas ande kodo than de 300 bersha. Sas phagerdi katar le Albancura ando 16-17to Juni 1999to bersh, thaj sa kade sas phagerde vi aver Romane Mahale ando Kosovo.
www.romnet.hu
Ande pesko raporto pala e implementacija katar e Konvencija Kadro anda e Protekcija katar e Nacionalno Minoritetura ando Kosovo, e UN civilno administracija ramosardas:
www.romnet.hu
" E Romani Mahal ande Mitrovica sas o maj baro RAE beshipe ando Balkano. Sas phagerdi pala konflikto katar o majoriteto save inkalde peski holi soske le Roma gele pe le Serbongi rig kana sas o konflikto. Ande kodi vrama, le Francuzisko NATO zora sas len aba kontrola pe kado teritorio." (mure italic-ura)
www.romnet.hu
Ando 18to Aprilo 2005, pala maj but chona negocijacijake, potpisisalo jekh Memorandumo ke 100 Romenge thaj Ashkalijenge familije, save beshenas ande nashadengo kampo ande Nord Mitrovica, te bolden pes ande Romani Mahala ande Sud Mitrovica. Kado memorandum potpisisardas les o UNMIK; o UNHCR thaj o OSCE thaj o Municipaliteto katar e Kosovska Mitrovica. Chi sosko manush so beshlas ande Romani Mahala chi sas mashkar le institucije save potpisisardekado hakijaripe.
www.romnet.hu
E konstrukcija kadale Mahalaki sas inkerdi po than katar maj but faktorura, thaj mashkar lenge sar o alternativno plano le Albancongo te vazden jekh kin-bikimasko centrumo pe kodo than kaj sas e Mahala thaj kamenas te len o than katar le manusha save beshle kothe, jekh financijalno kriza sikadas ke nas intereso katar o internacionalno komuniteto anda kado projekto, thajke nas transparenca thaj participacija katar le manusha save beshle ande Mahala thaj maj but kodola save beshen avrijal anda them, savi kerdas te avel dar thaj suspicija.
www.romnet.hu
Rig anda kadi suspicija si soske si o phanglipe mashkar e rekonstrukcia thaj o iranipe ande Mahala. Le manusha save beshle ande Mahala thaj maj but kodola save trajn ande Diaspora ande le Vest Europake thema, daran ke kana vazdela pes e Mahala kam thol pes kondicija te iranen sarinen save beshle kothe.
www.romnet.hu
E dar si inke maj bari soske inke naj lashardo le Kosovako statuso. Maj but, daral pes soske le Roma kam aven "pe greshno rig" ando kazo kana kam avel jekh phageripe le Kosovako kade sar propunisarde le Serbura. E Mahala si pe sudo rig katar o pani Ibar savo shaj te avel jekh demarkacijaki linija.
www.romnet.hu
Le manusha so beshle ande Mahala sa kade daran soske shaj te hasaren penge proprietateake pravura kana kam vazdel pes e Mahala soske e informacija pala o aktualno baripe thaj e situacija le Mahalaki si jekh punkto argumentacijako soske na sa le khera sa registrujme ando kadastro.
www.romnet.hu
E situacija kerdili inke maj phari kana phanglas pes e rekonstrukcija le Mahalaki le situacijasa le Romane IDPs ande le IDP kampura ande Nord Mitrovica.
www.romnet.hu
Ando 1999to bersh, o UNHCR vazdas kampura ando Zitkovac, cesmin Lug thaj Kablare, kaj sas thode le Roma, Ashkalije thaj Egipteanura IDP. Kadala kampura si pasha e mini Trepca, saven o UNMIK phandadas soske sas opasno anda o sastipe thaj mediumo.
www.romnet.hu
Kodo sas te avel jekh temporarno reshipe, ale areslas te avel jekh permenento kher anda 700 IDP, thaj maj but anda lende sas le manusha save beshle ande Romani Mahala. Ando 2000to bersh, la Lumaki Sastimaski Organizacija (WHO) ramosardas jekh angluno raporto thaj arakhlas avri ke sa le shavore thaj e maj but anda le bare manusha save trajnas pasha e mina Trepca sas len ando rat maj but plumbo/molivi/olovo de sar si autorizime. Dzi ando 2004to bersh, o WHO deklarisardas kodo regiono, savo sas trujal o kampo katar le IDP, ke si jekh than kaj naj voja te beshen le manusha, thaj ando Oktobro rekomandisardas te den pes avri anda kampo le chavore thaj le khamne dzuvla.
www.romnet.hu
O UNMIK finalno kerdas jekh propozalo jekha strategijako ande duj fazi thaj kodo sas ke te ingeren temporarno le manushen anda kampuri ke aver thana, dzi kana agorisaren te vazden le khera ande Mahala.
www.romnet.hu
Feri cira familije akceptisarde so phendas o UNMIK, te dzan ande purani baza katar e Francuzisko voiska, ando kampo Osterode, savo sas puterdo sar jekh nevo IDP kampo ando 9to Januaro. Pala sar phenen le sursi katar UNMIK; 47 familije katar Kablare thaj Cesmin Lug sas mukime ko Osterode dzi ko 28to Marto, thaj inke 14 familije registrujsale ke te mukin pes.
www.romnet.hu
Le IDP thaj vi le NGO kade sar si o ERRC, sas potriv soske o nevo than si jekh duj-trin shela metri maj dur katar o purano kampo thaj ni dzutil chachimasa ande e situacija katar e IDP. Maj but, le manusha save beshen ando kampo daran ke jekh nevo kampo shaj te avel jekh permanento reshipe inke jekh var kashte na dzan pale ke Mahala.
www.romnet.hu
Kana sas o kidipe ke Viena, le participantura line informacija pala savi o UNMIK khetane le lokalno autoritatenca keren o plano te astaren te lasharen e Mahala dzi ko 4to April. Von kerde jekh lil karing o presidento katar o Europako Forumo e Romengo thaj e Phirutnengo, o Rudko Kawczynski, kaj informinas les ke le Roma nebi dzutinas le lasharimasko proceso, soske o aktualno plano ni korespundil le situacijasa pala-maripe, chi del pes lenge sekuriteto ando regiono, thaj soske chi kerdas pes konsultacija le manushenca save beshle ande Mahala. Von sa kade insistisarde ke kamen kompensacija anda le 1,024 khera save sas phagerde ando maripe.
www.romnet.hu
Maj generalno, le Roma ande Diaspora akharde ka o UN te ulavel o humanitarichno problemo le IDPengo save trajn ande kampura katar o politichno problemo anda o lasharipe le Mahalako. Von mangle sa kade jekh dialogo direktno le Stiring Komitetosa saves si les e buki te lasharel e Mahala.
www.romnet.hu
O puchipe pala o boldipe/iranipe le nashalde manushengo
www.romnet.hu
Pala le progromura so sas ando marto 2004to bersh, o iranipe katar le minoritarno voluntarno nashalde manusha ciknilas ando 2005to bersh. Pala sar phenel o UNHCR, sas dokumentime 12,471 voluntarno nashalde manusha save irande dzi ko 31 Marto 2005, anda save 1,340 Roma thaj 3,210 Ashkalije thaj Kosovsko Egipteanura. Mashkar 1 Januari thaj 30 Novembro 2005, o UNHCR dokumentisardas 1,925 voluntarno manusha so irandem thaj jekh trito anda lende sas Kosovsko Serbura.
www.romnet.hu
Kana dikhlas sar Implementisajle le Standardura ando Kosovo, o UN Specijalno Bichaldo, Kai Eide, phendas:
www.romnet.hu
"o intrego iranimasko proceso areslas ke jekh virtualno stopo. Ande but thana naj jekh generalno atmosfera savi shaj te avel lashi anda iranipe. O multi-etniciteto butivar na-j dikhlo sar jekh cilo. Generalno statistiki si phares te arakhel pes, ale si jekh buhlo dikhipe ke akana maj but Kosovsko Serbura nashen anda Kosovo de sar te bolden pes."
www.romnet.hu
Dara, pala save o potpis katar jekh nevo Memorandum mashkar o UNMIK thaj o Niamcisko governo pala savo kam astarel pes jekh massivno depotacija, chi sikade pes inke. Pala sar phenel e BETA, anda 3,011 manusha saven o Nijamco kamlas te deportil len ko Kosovo ando 2005to bersh, o UNMIK chi mukhlas te bichalen pes 1,615 manusha. Na dumult, le Nijamcisko autoritetura deportisarde feri 438 anda 1396, soske chi birisarde te arakhen len.
www.romnet.hu
Ande maj but okazije, o UNMIK bichaldas parpale le azilanton ando Nijamco. Ando 15to Novembro 2005, o UNMIK ofiso anda Komunitetura thaj Irande manusha, irande 33 anda 82 manusha so avile le avionosa katar Karlsruhe ke Pristina, pala sar phenel o UNMIK, Roma thaj Ashkalije, po grundo ke lengi zorasa repatrijacija sas kontra o hakijaripe savo sas mashkar o UNMIK thaj le Nijamcisko autoritetura. Pala sar phenel o Nijamcisko Flüchtlingsrat, maj but serii/duezni katar le deportime azilantura sas bichalde parpale ando Nijamco samo ando 17to Marto 2006.
www.romnet.hu
Sa jekh, le repatrijacije zorasa anda le Vest Europake thema ko Kosovo sas inke, vi kana sas sekuritateake brige, na dosta primimaske kapacitetura thaj jekh ekonomichno thaj socijalno situacija savi na-j lashi kash te bolden le manushen.
www.romnet.hu
Ando 13to Februaro 2006, o UNMIK potpisisardas jekh nevo Memorandum Hakijarimasko pa Repatzrijacija le Shvedosa, pala so potpisisardas jekh memorandum maj anglal ando 2004. Pala sai si ande kado memorandum, le Ashkalije thaj Kosovsko Egipteanura shaj te aven irande ko Kosovo pe baza katar jekh individualno evaluacija lenge kazurengi. Le Roma, generalno, thaj vi le Kosovsko Serbura anda aver rida de sar Kosovska Mitrovica, na-j mencionime ando teksto katar kado memorandum. O UNMIK potpisisardas 25 hakijarimata kash te bolden pes le nashalde manusha anda maj but thema.
www.romnet.hu
Ando 2005to bersh, o UNMIK negociisardas iranimaske protokolura le Serbijasa thaj Montenegro thaj vi le Macedonijasa ando 2005. Jekh iranimasko protokoli sas hakijaripe ko tehnichno nivo mashkar o Serbisko governo thaj o PISG ando Septembro 2005. Pala sar phenel o UNMIK; o potpis katar le iranimasko protokolo le Montengrosa sas mekhlo te avel pala o referendum anda Montenegro ando 21to Majo, thaj o Macedonsko governo informisardas o UNMIK ke "maj na-j musaj" te potpisil pes jekh iranimasko protokolo soske " e aktualno kooperacija mashkar UNMIK thaj Skopje pa Voluntarno Iranipe si lashi".
www.romnet.hu
Pala le iranimasko protokolo savo sas negociime mashkar UNMIK, PSIG thaj o Macedonsko governo na-j chi soski informacija. Sa jekh, o Macedonsko governo thaj o PISG akceptujsarde te astaren le iranimasko proceso savo si pala 2.200 manusha, maj but anda lende Roma, Ashkalije thaj Kosovsko Egipteanura save rodine azilo ande kodo them. Ando 15to Februaro 2006, o Utrinski Vesnik raportisardas ke e Macedonija lasharel pes te astarel te kerel khetane timura le autoritatenca anda Kosovo kash te "lokhiaren o iranipe katar 2,000 nashade manusha".
www.romnet.hu
Pasha le zorasa iranimata ko Kosovo, le Romane organizacije si len briga anda le repatrijacije ke Serbija thaj Montenegro. Pala sar informisarde le Romane organizacije, 515 Romane familije, vaj karing 3,000 manusha sas deportime anda le Vest Europake thema ko Montenegro ando 2004. 315 Romane familije sas deportime anda Nijamco, Franca, Austrija thaj Benelux feri ke Podgorica. Sa ande kodo bersh, 10,200 Roma sas deportime ando 2004 ke Serbija.
www.romnet.hu
Pala sar phenel o TANJUG, e Serbija thaj Montenegro potpisisardas thaj ratifikisardas readmisijake hakjiarimata 13ne Europake themenca. Pala sar phenel le Europako Konsilo pa Nashade manusha thaj Exilantura, ECRE, potpisisajle maj but hakijarimata ale na-j inke ratifikime. Ando 13to Februaro 2006, ko aeroporto ando Belgrad puterdas pes jekh readmisijako centro kash te dzutin le manushen save sas deportime zorasa.
www.romnet.hu
Kana puterde kado centro, la Serbijako Ministro anda le Manushenge Chachimata thaj Minoritetura, Rasim Ljajic, phendas ke 8,500 manusha po bersh sas zorasa bishalde de sar potpisisarde le readminsijake hakijarimata ando 2001to bersh. Ande jekh intervio le Danas, o Dragoljub Ackovis, jekh membro katar e Presidencija katar la Lumako Romano Kongreso phendas ke vov adzukearel te aven irande anda le Vest Europake thema ando bersh kaj avel thaj o k-aver bersh, karing 70,000 Roma. But anda kadala zorasa repatrijacije si pala le Roma save migrisarde ande le Vest Europake thema anglal te astarel o maripe ande purani Jugoslavija thaj save barearde penge chavoren ande le Vest Europake thema.
www.romnet.hu
Le Roma mangle te achavel pes e repatrijacija zorasa le Romengi, Ashkalijengi thaj Kosovsko Egipteanongi ko Kosovo. Von mangle te regularizin pes kodola save integrujsajle and le thema thaj te putrel pes inke jekh var le aziloske proceduri ande le polemichno kazura vaj kodola kazura kaj shaj anen pes neve elementura.
www.romnet.hu
E participacija katar le non-Albansko komunitetura ande le negocijacijako proceso
www.romnet.hu
O mangipe katar le non-Serb komunitetura, thaj vi le Kosovsko Roma thaj Ashkalije, te participin direktno ande le Kosovaki statusoski negocijacija las suporto katar maj but riga.
Ando 31to Oktobro 2005, kana sas o pandz-to bersh katar e UN e Rezolucija katar la Sekuritateako Konsilo 135/2000 (Rezolucija 1325) pala le Dzuvleangi Mira thaj Sekuriteto, o Amnesty International manglas e inkluzija le dzuvleangi thaj le reprezentativengi katar le komunitetura le Romeneg, Ashkalijenge thaj Egipteanonge ando proceso katar le statusoski negocijacija.
www.romnet.hu
Ande konkluzija katar pesko gindo pala e implementacija katar e Konvencija Kadro anda e Protekcija le Minoritatengi, o Komiteto so del Sfato katar o Konsilo la Europako rekomandisardas ke te" kerel pes siguro e participacija thaj o input katar le mansuha save si katar sa le komunitetura ande le diskusije pala o avutno statuso le Kosovako." (mure italic)
www.romnet.hu
O Komiteto so del Sfato notisardas ke jekh "efektivno participacija le manushengi save si minoritetura si jekh but vashno punkto kana ..... o progreso maj dur si but importanto". O Komiteto phendas ke "kado principo trebul te avel reflektime vi ande le diskusije pala o avutno statuso le Kosovako, kaj si te aven hamime na feri le Serbura thaj le Albancura ale vi le reprezentativi katar le aver komunitetura." (mure italic)
www.romnet.hu
O Komiteto konsideril ke " si zurales imprtanto kadala (na-Serbikane) komunitetura te aven vi von inkludime ando kerimos, implemetacija thaj evaluacija katar le politike, praktike thaj legislacija savi afektin, direkto vaj indirekto, le komunitetura le minoritatenge." O Komiteto phendas inke ke "kado referil pes sa kade ke le diskusije pala o avutno statuso e Kosovako, ande save le reprezentativi katar sa le komunitetura le minoritatenge si te avel len jekh vashno rola, maj but de sar jekh pro forma konsultacija, kash te kerel pes siguro ke o rezultato lel ando konto vi lenge brige."
www.romnet.hu
Ande jekh separime sekcija pala le statusoske diskusije, o Komiteto so del Sfato phendas:
www.romnet.hu
" O Komiteto so del sfato gindil ke jekh anda e maj importanto bukija pala e participacija le minoritatengi si o felo sar kam aven hamime ande le diskusije pala o avutno statuso le Kosovako. Inkerindos konto ke le diskusije kam aven pala le bukija save afektin o avutno statuso thaj e protekcija le minoritatengi ando Kosovo, o Komiteto so del Sfato akceptujl/pristanil ke o efektino hamime katar sa le komunitetura anda Kosovo, thaj na feri le Albansko thaj Serbsko komunitetura, musaj si te krel pes siguro ande kado proceso." (mure italic)
www.romnet.hu
O Komiteto so del Sfato phendas maj dur ke o efektivno hamime katar sa le komuniteura anda Kosovo "si instrumentalno na feri anda principo so si ramome ando Artikolo 15 anda Konvencija Kadro, ale vi te kerel pes siguro ke o rezultato inkerel konto le brige katar sa le komunitetura thaj lel but sode shaj dzutimos ando societeto. O Komiteto so del Sfato konsideril ke e buki - o vashnipe savo sas prindzardo katar maj but internacionalno thaj lokalno interlokutora kana sas e vizita - musaj te avel jekh anda e maj vashno elementura ande evaluacija thaj monitorizacija katar e Konvecija Kadro, thaj vi katar le reprezentativi katar o internacionalno komuniteto." (mure italic)
www.romnet.hu
Jekh direktno participacija le minoritatengi ande le statusoske negocijacije thaj vi ando ramomos katar e nevi konstitucija sas sa kade dzutime katar Turkia. Ande peski kontribucija ke diskusija pa Kosovo kana sas o kidipe katar o UN Sekuritateako Konsilo ando 14to Ferbuaro 1006, la Turkijako Ambasadori, Baki Ilkin, phendas:
www.romnet.hu
Sa kade, vi amen loshas soske vazdas pes o Konsultativno Komiteto anda Minoritetura, savo kam del sfato pala le minoritatenge puchimata. Maj dur, amen pakijas ke si zurales importanto ka sa le minoritetura te aven hamime ande le statusoske diskusije. Dzi akana, ame pakijas ke jekh reprezentativa anda sa le minoritetura, pasha kodi anda le Kosovsko Serbura, trebulas te aven ande le negocijacijako timo. Jekh aver opcija kam avel te institucionalizin pes le relacije mashkar o Komiteto so del Sfato anda Minoritetura thaj la negocijacijako timo kade ke sa le minoritetura kam shaj te phenen penge dikhimata thaj propozalura le rigenca le negocijacijake ke svako punkto le diskusijengo pala o avutno statuso le Kosovako. Maj dur, ame pakijas ke le minoritetura trebulas te aven hamime kana ramol pes e nevi Konstitucija." (mure italic)
www.romnet.hu
O otgovor katar o internacionalno komuniteto
www.romnet.hu
Vi kana o internacionalno komuniteto phendas ke kam hamin le non-Albansko komunitetura ando le statusoske negocijacije, pala kado peradas e importanca kadale bukijaki. Kodo si partikularno chaches karing le Non-Serbikane minoritatenge komunitetura save na-j jekh politichno faktori ande le negocijacije thaj save si o de facto perado po trito than.
www.romnet.hu
Ande pesko raporto, o UN Generalno Sekretaro, o UN Specialno Bichaldo kash te dikhel le Implementacijako Proceso le Standardengo ando Kosovo, o Kai Eide, phendas:
www.romnet.hu
" O internacionalno komuniteto kamel te kerel siguro ke o avutno Kosovo respektil le politichno, socijalno thaj ekonomichno chachimata katar sa le etnichno grupe pala sar phenel vi e rezolucjia 1244(1999). Kado musaj si te avel reflektime ande jekh eforto te anen pes khetane le minoritateange komunitetura ando proceso [negocijacija pa statuto]. Pasha Belgrad thaj Pristina, le Kosovsko Serbura kam trebun te aven dikhle sar jekh rig ando kado proceso. Trebul te arakhel pes da jekh mekanismo kash te hamin pes vi le cikne komunitetura. Von butivar phenen ke si gata te dzutin pashe ko avutno Kosovako statuso. Ale, von sa kade adzukaren ke ande kado proceso te del pes duma pala lenge chachimata ando avutno Kosovo." (mure italic)
www.romnet.hu
Ande debata savi kam avel ko kidipe katar o UN Sekuritateako Konsilo, o Specijalno Reprezentativo katar o UN Generalno Sekretaro, Soren Jessen-Petersen phendas ke "le glosura katar o civilno societeto thaj katar sa le Kosovake manusha musaj si te shunen pes [ande le statusosko negocijacijako proceso]. Le aver komunitetura anda Kosovo, thaj vi le Turkura, Bosniakura ,Roma thaj Egipteanura, si len sa kodo pravo ke le Kosovako avutnipe kade sar si vi le Serbon thaj le Albancon. Chachimasa, o barvalipe le Kosovako sas lako diversiteto." (mure italic)
www.romnet.hu
Ande pesko raporto karing o UN Sekuritateako Konsilo ando 25to Januaro 2006, o UN Generalno Sekretaro, Kofi Anan, phendas:
www.romnet.hu
"Ando 22to Novembro, la negocijacijako timo anda Kosovo reslas pes mure Specijalno Bichaldesa thaj dine les jekh lil ande savo ramol pes e platforma anda le negocijacije anda statuso, thaj si ke kamen te avel vi le minoritaten thaj vi le majoritaten sa kodola chachimata pala sar phenel o zakono. Muro Specijalno Reprezentativo phendas butivar ke si but vashno te hamin o civilno societeto, le dzuvlange grupe thaj, maj but, le reprezentativi katar le minositatengo komuniteto ande kado proceso kash te kerel pes siguro ke si len jekh vorba phenimaski kana kerel pes la Kosovako avutnipe. Ando9to Decembro, la negocijacijako timo vazdas jekh Konsultativno Komiteto anda le Minoritetura, savo kam del sfato pala le minoritatenge bukija." (mure italic)
www.romnet.hu
Le membrura katar e internacionalno Kontakt Grupa manglas butivar le Non-Albansko komuniteton te participin ande le statusosko proceso. Ando 31to Januaro 2006, le Ministerura kerde jekh lil ande savo von "akharen le Kosovsko Serbon thaj le avere minoritatenge komunitaten te potrebin o shajpe katar le statusosko proceso kash te keren siguro ke lenge brige si chachimasa prindzarde." Sar kado lil, sas inke jekh pala o kidipe katar e Kontakt Grupa ando Aprilo.
www.romnet.hu
Vi kana sas kadala deklaracije, chi kerdas pes khanchi kash te shaj te participin ande le statusoske diskusije le Non-Albansko komunitetura. Maj bari briga si, ke o internacionalno komuniteto dikhiol sar ke chi hakijarel klaro le etnichno/nacionalno minoritaten saev dzan avri anda maj but lila kerde katar e Specijalno Reprezentativi katar o UN Generalno Sekretaro , kaj vov listol le Non-Albansko komunitaten ande jekh le organizacienca le dzuvleange thaj le aver organizacije anda civilno societeto.
www.romnet.hu
Sa kade, o UN Specijaln Bichaldo anda le statusoske diskusije, o Martti Ahtisaari, kana das vorba parpale ke jekh medijaki konferenca ando Brusels, reagujsardas ko puchipe kana vov planujl te inkerel direktno diskusije le reprezentativenca katar le non-Serbikane minoritetura, phendas ke reslas pes le reprezentativenca katar le Kosovsko Serbura maj buti var thaj vi le Non-Serbikane minoritetura, thaj phendas pashe ke kodola si "ushearade" akana, thaj ke vov kamel te dzal maj dur te resel pes le dzuvlanca thaj le organizacijenca katar le civilno organizacije.
www.romnet.hu
Kana das vorba parpale ke Opinija katar o Komiteto so del Sfato katar o Konsilo la Europako pala e Implementacija katar e Konvencija Kadro anda e Nacionalno Minoritetura anda Kosovo, o UNMIK phendas:
www.romnet.hu
"De sar adoptisardas pes e Opinija katar o Komiteto so del Sfato, kedas pes but ande le statusoske negocijacije. La Negocijacijako Timo anda Kosovo reslas pes le Specijalno Bichaldesa katar o Generalno Sekretaro anda le avutne statusoske diskusije, o Raj Martti Ahtisaari, thaj bishaldas jekh lil ande savo ramolas leski platforma anda le statusoske negocijacije, thaj sikavel pesko zuralo angadjamento/obligacija and ale barabar chachimata anda le minoritetura thaj majoritetura kade pala sar phenel o zakono. Ando 9to Novembro 2005, e Kosovsko Negocijacijako Timo vazdas jekh Konsultacijako Komiteto anda le Minoritetura savo te del sfato pala le minoritatenge bukija. O Specijalno Reprezentativno katar o Generalno Sekretaro butivar sikadas ke si zurales importanto te hamil pes vi o civilno societeto, le dzuvlange grupe thaj maj but le reprezentativi katar le komunitetura le minoritatenge ande le statusosko proceso kash te kerel pes siguro ke si sha te phenen pesngi vorba kana kerel pes o avutnipe le Kosovako. Dzi akana, o UNMIK Phal III/OSCE keren maj but workshopura anda kodola save shaj te aven le membrura ande le Kosovaki delegacija thaj aver participantura kash te dzutin pashe ko finalno statusosko proceso. Participantura ke kadala trainingura si vi le parlamentarichno reprezentativi katar le Kosovsko Serbura thaj Non-Serbikane minoritetura."
www.romnet.hu
Kana o Komiteto so del Sfato manglas jekh semnifikativno participacija katar le Non-Albansko komunitetura, o UNMIK kamel te vazdel pes jekh Konsultativno Komiteto saves te avel les e buki "te del sfato pala le minoritatenge bukija." (holi!) Thaj inke jekh var, pala sar sas phendo maj anglal, vi ande kado lil, le non-Albansko komunitetura si listime pe jekh nivo le grupenca le dzuvleange thaj le organizacije katar o civilno societeto.
www.romnet.hu
E pozicija katar ERTF
www.romnet.hu
O Europako Forumo e Romengo thaj e Phirutnengo del pesko intrego suporto thaj te avel o dumo katar o mangipe le Romengo anda Kosovo kash te participin sar maj sig thaj direktno ande le statusoske diskusije. Kana o ERTF chi kamel te lel jekh pozicija pala le statusosko puhipe, e organizacija pakijal ke kana lashardon le politichno, ekonomichno thaj kulturalno chachimata kana keren pes le statusoske negocijacije si zurale simportanto ande le Romane komunitetura. Maj but, o ERTF del suporto le Romen anda Kosovo anda lengo mangipe and akompensacija anda le nasulimata anda le marimaski vrama thaj vi kompensacija anda le hasarde khera/bukija thaj anda o fizichno thaj psihichno nasulipe/phageripe.
www.romnet.hu
O ERTF si gata te lel o mandato savo das pes la organizacijake ande maj but kidimata kash te avel rig ande le negocijacije thaj mangimata, sar maj cira, sar observatori ande kado proceso thaj te avel les pherdo akceso ke sa le kidimatenge dokumentura thaj aver materialura.
www.romnet.hu
Rekomandacije
www.romnet.hu
Pala kodo so ramosardas pes maj opre, o Europako Forumo e Romengo thaj Phirutnengo mangel o suporto katar o Konsilo la Europako ande kadala bukija:
www.romnet.hu
Pala statusoske negocijacije
www.romnet.hu
- Te keren pes kondicije anda jekh efektivno thaj ivija participacija le Romengi thaj le non-Albansko komunitetura ande le statusoske diskusije;
www.romnet.hu
- Te kerel pes siguro ke sa le Kosovake manusha si line ando konto thaj ke si dikhle barabar ande le statusoske diskusije;
www.romnet.hu
- Te kerel pes siguro ke, maj but, e situacija le Romengi ande Diaspora si lini ando konto thaj ke jekh efektivno konsultacija mashkar lende kerel pes maj anglal te lel pes jekh finalno decizija anglal te shaj avel independento e Kosova thaj e Kosovaki avutni konstitucija;
www.romnet.hu
Pala svakone gesesko trajo ando Kosovo
www.romnet.hu
- te kerel pes siguro ke sa le komunitetura anda Kosovo si len sa kodola chachimata ando Kosovo bi te inkerel pes konto katar o avutno Kosovako politichno statusi;
www.romnet.hu
- te kerel pes siguro ke le Romenge chachimata si korektno implementime. Kado si maj but pala o chachipe ke te inkerel pes thaj te buhlearel pes e kultura, te inkerel pes lengo kulturalno barvalipe thaj vi le grobija kaj prahon penge mulen thaj o pravo te potrebinen pengi chib ando publiko thaj angla administracija, te aven edukime ande pengi chib thaj te avel len medija ande pengi chib;
www.romnet.hu
- te kerel pes siguro ke si jekh chachi thaj barabar distribucija le dzutimatengi katar donorura ande le rekonstrukcijako proceso;
www.romnet.hu
- te kerel pes siguro ke le Roma participin efektivno ande politichno trajo thaj publichno institucije okupime katar aver manusha;
www.romnet.hu
- te kerel pes siguro jekh bidiskriminacijako akceso ke edukacija, buki thaj publichno servisura;
www.romnet.hu
- te kerel pes o shajpe kash te vazden pes Romane municipalitetura ande le thana kaj trajnas but R
www.romnet.hu
oma, kade sar phenel pes ande le informacije so sas angla maripe.
www.romnet.hu
Pala sekuriteto thaj phirimaski sloboda
www.romnet.hu
- te garantil pes pherdi slobodija le mishkimaski thaj sekuriteto;
www.romnet.hu
- te kerel pes siguro ke konsekvento len pes pala le mudarimata so sas anda le etnichno razlogija;
www.romnet.hu
- te kerel pes siguro ke si jekh efektivno thaj independento monitorizacija katar le phagerimata le Manushikane Chachimatenge;
www.romnet.hu
- te inkerel pes jekh independento ombudsmanusheski instittucija ando Kosovo thaj te kerel pes siguro ke shaj te kerel peski buki bi te avel jekh politchno hamipe tha ke sa le Kosovake manusha thaj vi Roma si len barabar akceso le leske servisura;
www.romnet.hu
- te kerel pes siguro ke si jekh barabar thaj chachi reprezentacija sa le manushengi anda Kosovo, thaj vi le Romengi, ande le sekuritateake zora thaj maj but ande policija.
www.romnet.hu
Pala o boldimos le nashalde manushengo thaj e situacija le nashalde manushengi thaj IDPura
www.romnet.hu
- te kerel pes siguro ke sa kodola save kamen te bolden pes ko Kosovo shaj te keren kado ande le maj lashe kondicije thaj sa le garancijenca pala lengo personalno sekuriteto thaj ke von si slobodno te alosaren peske o than kaj kamen te trajn;
www.romnet.hu
- te kerel pes siguro ke chi kerel pes chi soski zorasa deportacija le Kosovsko Romengi ko Kosovo vaj ke jekh aver than ande Serbija thaj Montenegro;
www.romnet.hu
- te putrel pes o shajpe anda o beshipe ande trito them anda kodola anda regiono save chi birisarde te integrin pes ande lengo them gazda;
www.romnet.hu
- te del pes permanento beshimaske lila le Romenge anda Kosovo thaj le Romenge anda aver riga anda Serbia thaj Montenegro save integrujsajle ande lenge thema gazda;
www.romnet.hu
- te putren pes inke jekh var le aziloske proceduri anda kodola save shaj te anen nevi evidenca vaj kaj shaj te sikavel pes ke seriosno greshke kerdile ando proceso.
www.romnet.hu
Pala Kosovska Mitrovica
www.romnet.hu
- sar maj sig te evakujn pes le Roma save si ande le nashaldenge kampura, ande jekh lasho mediumo;
www.romnet.hu
- te kerel pes independento medikalno investigacija pala le efektura katar o otravimo le molivesa thaj te del pes medikalno tratamento le viktimen katar kado molivesa otravimo;
www.romnet.hu
- te kompensin pes le viktime thaj maj but le familije kodolenge save sas te cirden kino ande le merimaske kinura soske sas thode te beshen jekh nasastevesto mediumo.
www.romnet.hu
- Pherdi investigacija pala o statuto le Mahalako andgla maripe, thaj shaj te inkerel pes konto katar sa le dokumentura thaj vorbe.
www.romnet.hu
- Te participin le manusha ,so beshle ande Romani Mahala, ke rekonstrukcija thaj ke le planifikacijako proceso.
www.romnet.hu
- Te na avel diskriminacija kana akcesin pes sa le dokumentura thaj materialura pala e rekonstrukcija le Mahalaki.
www.romnet.hu
- Te del pes garancija ke chi pahgeren pes lenge chachimata thaj vi kodolenge save chi dikhen te aven parpale ande Mahala kade sig.
www.romnet.hu
Pashe, o ERTF mangel jekh pherdi participacija le Romengi ande le politichno strukture le Kosovake, barabar akceso ke edukacija thaj buki thaj vi buki ande le publichno institucije thaj le sekuritateake zora, te na avel diskriminacija ando akceso ke lepublichno servisura thaj justicija, o slobodipe te inkeren thaj te buhlearen e Romani kultura thaj chib, o pravo te aven edukime ande Romani chib thaj o pravo te potrebin e Romani chib ande komunikacija le institucijenca publichno, te len pes pala le manusha so kerde marimaske mudarimata thaj te anen len angla kriss kodolen so mudarde le Romen, kompensacije le viktimenge anda le marimaske mudarimata thaj eklarifikacija katar o avutnipe kodolengo so hasajle. Le Romenge mangimata anda lengi municipalno struktura si te dikhel pes pala lende kade sar dikhel pes pala le mangimata katar le aver komunitetura.
www.romnet.hu
European Roma and Travellers Forum (ERTF)
Strasbourg, 16 Majo 2006
Dr. Karin Waringo
www.romnet.hu
www.romnet.hu
Importanto dokumentura
www.romnet.hu
O Komiteto so del Sfati pala e Konvencija Kadro anda e Protekcija katar le Nacionalno Minoritetura: Opinija pala e Implementacija katar e Konvencija Kadro anda e Protekcija katar le Nacionalno Minoritetura ando Kosovo (adoptime ando 25 November 2005, ACFC/OP/I(2005)004, Strasbourg, 02 Marto 2006
www.romnet.hu
Eide, Kai: Jekh kompresivno dikhipe pala e Situacija ando Kosovo, October 2005
www.romnet.hu
UNMIK: Konstitucionalno Kadro anda Provisionalno Self-Government ando Kosovo, 15 Majo 2001, Pristina
www.romnet.hu
UNMIK: Observacija pala Opinija pala e Implementacija katar e Konvencija Kadro anda e Protekcija katar le Nacionalno Minoritetura ando Kosovo (adoptime ando 25 November 2005) 18 February 2006
www.romnet.hu
UNMIK: Raporto bishaldo katar o United Nations Interim Administration Mission in Kosovo (UNMIK) pala Artikolo 2 .2 katar o Hakijaripe mashkar UNMIK thaj o Konsilo la Europako pala Opinija pala e Implementacija katar e Konvencija Kadro anda e Protekcija katar le Nacionalno Minoritetura ACFC(2005) 003, Strasbourg, 02 June 2005
www.romnet.hu
UN Sekuritateko Konsilo: Reporto katar o Secretaro-Generalno katar o United Nations Interim Administration in Kosovo, 25 Januaro 2006, S/2006/45
www.romnet.hu
Politichno deklaracije
www.romnet.hu
Khetani platforma katar le Kosovsko Roma thaj le Roma anda purani Yugoslavia, Warsaw, 21 October 2005
www.romnet.hu
Politichno Platforma katar le Kosovsko Roma. Khetano lil katar le participantura ko kidipe pa Kosovsko Roma, khetane organizime katar OSCE ODIHR Contact Point for Roma and Sinti Issues and the European Roma and Travellers Forum (ERTF), Skopje, 25 Marto 2006
www.romnet.hu
« Romanes
|
