Andej Europako Parlamento romane zhuvja vorbinde pa kodo, hoj soski diskriminacia reslas len, ando Chexo, thaj andej Slovakia. (RSK)

E chexicki romani organizaciako sekretaro,- so bushol Manushe- e Martina Hováthova pa kodo vorbisardas, hoj ando Chexo le romane shavorenge eftavardesh procenton shanca naj, hoj maj but zhanipo te xutren., le majbut zhene andej kishegitovo phiren. Vorbisardas vi pal kodo, hoj mashkar bishtajpanzhe ezera romende numa ekh ezero thaj panzh shela sityon andej mashkarutni shkola, voj kade gindinel, hoj vashado si baro le bibutyango numero. Le romane zhuvjange numa deshijja procenton si butyi, ba le gazhikane romnyan panzhvardesh procenton si butyi.
www.romnet.hu
E Horváthova vi kodo phendas, hoj ando Chexo le romenge bishtajtrin procenta ande lagereste trajin, thaj le romane zhuvja zurales si diskriminalime: sar zhuvja, thaj sar rom.
www.romnet.hu
E Andrea Buckova slovakiako romano koordinatoro kodo phenel, hoj andej Slovakia zurales but si la bibutyake roma.
www.romnet.hu
Mashkar la slovakiake roma shov thaj dopash procenta phirdine andej mashkarutni shkola, andej opruni shkola pale feri 0.6 procenta.
www.romnet.hu
Andej kishegitova efta ezera romane shavora phiren, khatar shanca naj len majdur te sityon.
www.romnet.hu
Ando chexo le romane zhuvjange aktivishti khatar o govermento azhukaren, hoj te avel antidiskriminasho kris, te shaj phiren le cinne shavora andej óvoda, majbut romane assistensha te aven pasha le doktora thaj pasha le sityara.
www.romnet.hu
Vorbisardine vi pal kodo, hoj le romnyan shterilizalinde, thaj vi pa kodo, hoj le shavoren segregalinen.
www.romnet.hu
E diskurzia o Milan Horacek akhardas khetane.
www.romnet.hu

www.romnet.hu




« Romanes