So nachile dyesa, ando Törökszentmiklós thaj ando Karcag, vashodo, kaj andal phuv avel opre o paji, but khera khetane peline, le majbut po ciganytelepo. Vi ando Hajdúhadház po telepo si majnasul e situacia. Le telepura sa pel gavengo agoraj, naj avri hunado than le pajes, le khera andal phuv, andal chik si. (RSK)

Ando Jász- Nagykun- Szolnok- Medyako Törökszentmiklós khetane pelas ekh kher, so anda phuvate sas, ando Csisznyiko po telepo ekh romana chaladako kher pelas khetane, kaj shov shavora beshenas. O telepo khate butivar shorel o paji, so andal phuv avel opre., ba kado si vi ando Karcag, kaj naj avri hunado than le pajes. Ando Karcag le majbut zhene kon bi kheresko ashile, kaj penge nyamura geline.
www.romnet.hu
Vi ande la Hajdú-Bihar-Medyako Hajdúhadhazo, pel duj ciganytelepura- ando Oncsai, thaj ando Viola - zurales pharij e situacia. Kon khate beshen sakon bersh duvar, trival shorel len avri o paji. Vi akanak khetane pelas ekh kher, ba andej kaver panzh nashtig beshen. Andej Oncsa, zhi andej changa resel o paji, le shavoren andej shkola mikrobusosa ingravel e autonomia. La romana autonomiako jekh deputo phendas le Roma Sajtóközpont-oske: andar forosko budzhevo avri mukline o telepo, kaj naj avri hunadi phuv le pajes. Le hajduhadhazosko angluno manush kodo phendas, hoj anda pengi zor chi zhanen te zhutinen, ke cerra love si len.
www.romnet.hu
Kaj o Ifjusági Családügyi Szociális Esélyegyenlõségi tarca kodo phendine, hoj ando integraciosho programo dine love pel infrashtruktura. O kaver bersh inja gaven dine love.
www.romnet.hu
Kade dicholpe, hoj anda shele romende deshushov pe kassavo telepo trajil, kaj naj gazo, thaj naj avri hunado than le pajes. Kassave gindura si majna shele ezero manushen. Le adatura kodo sikaven, hoj ando them si panzh shela telepuri, pe kadalenge shtarvardesh procenta o drom si phuvako. Pel telepengo dopash rig naj kassavo paji so shaj pen, thaj inke majbute thanende naj avri hunadi e phuv le pajeske.
www.romnet.hu




« Romanes