Farkas Flórián, o FIDESZ-esko angluno manus, taj o Lungo Drom-osko presidento anda peski parlamentoski vorba kodo phendas, ke o kaver bersesko lovengo projekto feri maj phareske shol le romengi butyi, taj kado projekto anda kado feri ek bari bezex si. Teleki László szocialno politikusi, e Angluni Presidenteski Oficija-ko romane trabengi sekretari pale kodo phenel: ando 2004. butestar majbut love kamen te den pel romane butyate, sar anglakado. (Népszabadság)

Teleki László -sar phendas- ci hatjarel, ke pel soste vorbil Farkas Flórián. Vi kodo phendas, ke pel lovengo projekto inke zhal i vorba ando parlamento, taj inke chi kodo romano projekto naj gata, savo akak kamen te keren. Anda kado pel lovende inke ci zhanas te vorbisaras. Vi kodo phendas, ke saj avla kodo, ke avna kacave romane butya, anda savela maj cerra love dena sar angla kado, ba avna kacave projektura, savale anda kadala lovengo than anna kavera love, kacavo projekto avla vi o Nacionalno Majangliposko Projekto, savo bare millijardon inkrel.

O sekretari pe kadi butyi phendas kodo, ke pala deshe bersengi vorba, aba ando aver bers inkerdjola le 440 romane thanengo tele tjidipo. Sar phendas, o parlamento zi po 2006. majbut sar duj shela romane chorre thana kamel tele te tyidavavel. Andakado majcerra 15-20 miji zhene romengo trajo avla majmishto. Vi kodo phendas, ke tala duj-trin shon gata avla kodo projekto, anda savo ande avla, ke kadale thana che sigo, taj kana tyidena tele.

Cz. G.



A fordítást a Magyarországi Nemzeti és Etnikai Kisebbségekért Közalapítvány és a Romaversitas Láthatatlan Kollégium támogatja.



« Romanes