La Ministerio pri Interno, la Altlernejo por Polic-Oficiroj kaj la Nacia Instituto pri Familia kaj Sociala Politiko kunorganizas kurson preparan je abiturienta ekzameno por romaaj gejunuloj. La kurso celas mezlernejanojn aŭ jamajn abiturientojn kiuj ŝatus eklabori ĉe la polico, la limgardistaro, la fajrobrigadoj aŭ ĉe kontraŭkatastrofaj organizaĵoj. (RSK)

Laŭ informo de Klára Csányi, estro de la sekcio pri civilaj rilatoj kaj egalaj ŝancoj ĉe la ministerio pri interno, sesdeko el la naŭdek aliĝintoj plenumis la aliĝ-kondiĉojn. Ŝi aldonis ke la programo servas por helpi eniron de kiel eble plej multaj romaaj gejunuloj en la personaron de organizaĵoj dependaj de la ministerio pri interno.

Brigada generalo István Sárkány, prieduka vic-ĉefdirektoro de la Altlernejo por Polic-Oficiroj, diris ke la programo celas trejnadon de kompletaj studjaroj, kun temoj inkluzivantaj la nunan situacion de romaoj en Hungario kaj rilatajn demandojn. La generalo agnoskis ke antaŭjuĝoj prezentas "tre malfacilan problemon", sed aldonis ke ĉiuj havas la devon taŭge labori por malvastigi la kampojn kie antaŭjuĝema konduto aperas.

Zoltán László - RSK




Ertl István fordítása
Tradukinto: Ertl István





«