Kiel konate, la polico iniciatis juran persekuton kontraŭ nekonataj
farintoj la 1-an de septembro 2003, pro forta suspekto pri delikto de
plurfoja grandsuma defraŭdo, malprofite al la Aŭstra Fondaĵo
por Interpaciĝo kaj al pliaj damaĝitoj.
La enketo konfirmis ke ges-roj J. H. kaj Cs. H., loĝantoj de Sárvár,
same kiel R. H., loĝanto de Zalaegerszeg, akceptis plenumi la
administrajn paŝojn en la reparacia afero de romaaj personoj
deportitaj al kaj trudlaborigitaj en Aŭstrio dum la dua mondmilito,
erarigis ĉi tiujn pri la sumo de la reparacio kaj pri la detaloj de la
administraj aranĝoj, kaj, profitante ilian informomankon,
defraŭdis de ili la tuton, aŭ signifan parton, de la reparacia sumo.
La suspekto montriĝis pravigita ankaŭ rilate al la ago
kandidatigi per konvinkado kaj erarigo, kun la celo akiri reparaciajn
sumojn, ankaŭ personojn sen reparacia rajto. Por tion fari, ili igis
plurajn homojn, parte konsciajn pri la delikteco de la ago, parte sensciajn
pri tio, fari falsenhavajn deklarojn pere de notariaj aktoj, kaj ĉi
tiujn aktojn transsendis, pere de la Publika Fondaĵo "Hungaria Juda
Heredaĵo" (MAZSÖK), al la Aŭstra Fondaĵo por
Interpaciĝo, kiu poste en du okazoj erare pagis po ĉ. 10.000
eŭrojn al nerajtigitoj.
La misgviditoj estis en ĉiu okazo altaĝaj homoj. La deliktuloj
deklarigis ilin kaj havigis iliajn personajn legitimilojn per trompo,
ŝajnigante sin kunlaborantoj de organizaĵo prizorganta aĝajn
homojn, kiuj celas havigi al ili monhelpon. Ĉion ĉi ili faradis
en la periodo inter la 31-a de marto kaj 1-a de septembro 2003. La enketo
malkovrigis senrajtan transprenon de pluraj milionoj da forintoj, kaj la
aŭtoritatoj sukcesis malhelpi pliajn mispagojn en 11 okazoj.
Krom la ĉi-supraj farintoj, 17 pliaj personoj estas suspektataj de la
enketantoj en Sárvár pri fraŭdo aŭ fraŭdoprovo, kaj pri la
delikto falsi publikajn aŭ privatajn aktojn.
Ertl István fordítása
Tradukinto: Ertl István
«
|
